Tuesday, May 22, 2007

ரிலயன்ஸ் ஃப்ரஷ்

குடும்பத்துடன் வாக்கிங்க்கும் ஷாப்பிங்கும் செய்யும் வழக்கம் கோயிஞ்சாமிக்கு எப்போதுமே உண்டு. பொட்டிக்கடையில் கவர்னர் பீடி வாங்குவதைத் தவிர மிச்சம் எல்லாவற்றுக்கும் கவர்னருடனும் மனைவி யுடனும் மக்களுடனும்தான் போவான்.

பிறந்ததுமுதல் இதுவரை புத்திசாலித்தனமாக எதையாவது சாதித்தோம் என்று சொல்லிக்கொள்ளும்படியாக கோயிந்சாமிக்கு பட்டியலில் ஒன்றும் இல்லை. அதிகபட்சமாக ஆறு அட்டம்ப்ட் எடுத்தாவது கல்லூரியில் பாஸ் பண்ணிய புள்ளியியலைச் சொல்லலாம். மற்றபடி எல்லாம் மனைவி, மக்கள், மாமியார், அம்மா சரிசமவிகிதமாக கோயிந்துவின் வாழ்க்கையில் நடந்த எல்லா நன்மைகளுக்கும் உரிமை கொண்டாடத் தகுதியானவர்களாயிருக்கின்றனர்.

எப்படியோ பாவப்பட்டு பிழைப்பை நடத்தும் கோயிந்துவுக்கு எப்படியாவது புத்திசாலிப்பட்டம் வாங்க ஆசை இருக்காதா என்ன? அப்படி ஒரு வாய்ப்பும் வந்தது. ரிலையன்ஸ் ஃப்ரஷ் தன் வீட்டுக்கு மிக அருகில் திறந்திருப்பதாக அறிந்தான் கோயிந்சாமி . ஏதோ அமெரிக்காவில் எல்லாம் இது போன்ற கடைகள் மிகவும் ப்ரபலம் என்று கேள்விப்பட்டான். இங்கே போனால், பாதி அமெரிக்காவையே சுற்றிப்பார்த்த மாதிரி இருக்குமோ? எப்படியும் ஏதாவது புத்திசாலியாக எதையாவது வாங்கி புத்திசாலிப் பட்டம் பெற வேண்டும். உடனடியாக யாரிடமும் சொல்லாமல் வீட்டிலிருந்து அப்படியாகப்பட்ட ரிலையன்ஸ் ஃப்ரஷ்ஷுக்குக் கிளம்பினான். கூடவே அக்மார்க் முத்திரை பதித்த ஒரிஜினல் சனீஸ்வரன் ப்ராண்ட் அசட்டுத்தனமும் கோயிந்துவைப் பின்தொடர்ந்தது....


தொடரும்...

Friday, February 03, 2006

இன்னிக்கு ர.ரா.க்கு பொறந்த நாளு டோய்!


இன்று பிறந்த நாள் காணும் அருமை அண்ணன் - சூப்பர் ஸ்டாரின் தம்பி - பத்திரிகையுலக சக்கரவர்த்தி - வலைப்பதிவு வித்தகர் - சைதைச் சுனாமி - பாசக்கிளி - எழுத்துலக எஜமான் - உயர்திரு - உயர்உயர்திரு. ராம்கி என்ற சூப்பர் ஸ்டார் ராம்கிக்கு - சென்னை வாழ் - தமிழ்நாட்டு வாழ் - இந்திய வாழ் - உலக வாழ் கோயிஞ்சாமிகளின் சார்பாக எங்களின் மனமார்ந்த - இதயப் பூர்வமான - உளம்நிறைந்த பிறந்த நாள் வாழ்த்துக்களைத் தெரிவித்துக் கொள்கிறோம்.



பாசநெஞ்சன் அண்ணன் ராம்கி அவர்கள் இன்று இரவு - 8 மணி அளவில் - சென்னை கிண்டி - லீ ராயல் மெரிடியனில் - கோயிஞ்சாமிகளுக்கு அன்னதானம் வழங்குவார்.
பின் குறிப்பு : அழைப்பிதழ் உள்ளவர்கள் மட்டுமே அனுமதிக்கப்படுவார்கள்.

Saturday, August 20, 2005

இன்னிக்கு சாயங்காலம் கண்டிப்பா வந்துருங்க!

இன்னிக்கு சாயங்காலம்.. ஒரு பங்ஷன்.. நடக்கப்போகுது.. எல்லாரும் வாங்க.. டிக்கெட்டின் விலை.. டிக்கெட் கிடைக்குமிடம் அப்படி எதுவும் கிடையாது.. 'விழா'வாரியா தெரிஞ்சுக்க அழைப்பிதழை பாருங்க.
Image hosted by Photobucket.com

Friday, July 29, 2005

ஊத்திக்கினு கடிப்பதும், கடிச்சுக்கினு ஊத்திப்பதும்

கோயிஞ்சாமிக்கு ஒரு ப்ராஜக்ட் பண்ணிக்கொண்டு இருந்தான். அந்த ப்ராஜக்ட் ஒரு இணையதள கட்டுமானத்துக்கானது. அந்த ப்ராஜக்ட்டில் பயனருக்குக் காண்பிக்க ஒரு நாட்காட்டி தேவைப்பட்டது.

அந்த காலண்டரை ஜாவாஸ்க்ரிப்டில் எழுத கோயிஞ்சாமி சபதம் பூண்டான். மறு நாள் முழுதையும் இந்த ஜாவாஸ்க்ரிப்ட் காலண்டர் சாப்பிட்டுவிடும் விபரீதம் அப்பொழுது கோயிஞ்சாமிக்குக் கிஞ்சித்தும் தெரிந்து இருக்கவில்லை.

காலண்டர் ப்ரோக்ராம் ஒன்று எழுத ஆரம்பிக்கும் முன், இணையத்தில் இலவசமாகக் கிடைக்கும் code/scriptகளைப் பயன்படுத்த வேண்டாம் என்றும் முடிவு செய்திருந்தான். மறு நாள் முழுதையும் இந்த ஜாவாஸ்க்ரிப்ட் காலண்டர் சாப்ப்... சரி சரி. பில்ட்-அப் போதும். மேட்டருக்குப் போவோம்.

ஒரு காலண்டரில் என்னென்ன மாதங்கள் இருக்கிறது என்று தெரியவேண்டும். சுலபம், ஒன்று முதல் பன்னிரண்டு வரை உள்ள எண்கள். அடுத்ததாக ஒரு மாதத்தில் என்னென தேதிகள் உள்ளன என்று தெரியவேண்டும், சில மாதம் 28ஆம் தேதி வரை மட்டுமே இருக்கும், சில மாதம் 29, சிலவற்றில் 30, 31 இப்படி.

ஆக, அந்த மாதத்தில் எத்தனைத் தேதிகள் உள்ளன என்று கண்டுபிடித்து விட்டால் மற்றவை சுலபம். அதாவது கடைசித் தேதியைக் கண்டுபிடிக்க வேண்டும். ஜாவாஸ்க்ரிப்டில் ஒரு மாதத்தின் கடைசித்தேதியைக் கண்டுபிடிக்க உள்ளமைந்த ஃபங்க்ஷன் எதுவும் இல்லை என்பது கோயிஞ்சாமிக்கு உறைக்கவில்லை. எனவே நோட்பேட் திறந்து எழுத ஆரம்பித்தான். மறு நாள் முழுவதையும் இந்த ஜாவாஸ்க்ரிப்ட் காலண்டர் சாப்பிட்டுவிடும் விபரீதம் அப்பொழுத்... சரி, சரி, சரி. சஸ்பென்ஸ் கதை எழுத ஆசைப்பட்டதில் இருந்து இப்படித்தான் சம்பந்தமில்லாத இடத்தில் பஞ்ச் லைன் வந்து விழுந்துத் தொலைக்கிறது.

எனவே ஒரு மாதத்தின் கடைசி தேதியைக் கண்டுபிடிக்க கீழ்க்காணும் உத்தியைப் பின்பற்றினான்.


ஊத்திக்கினு கடிச்சுக்கறான்
----------------------

இருக்கும் தேதியுடன் ஒரு மாதம் கூட்டினால் அடுத்த மாதம் வந்து விடும். அடுத்த மாதம் வந்தவுடன் அந்த மாதத்தின் ஒன்றாம் தேதிக்கு தேதியை மாற்ற வேண்டும். பிறகு அதில் இருந்து ஒரு தேதி கழித்துவிட்டால், தற்போதைய மாதத்தின் கடைசித்தேதி கிடைத்து விடும்.

உ.தா.:

இன்றைய தேதி: 29 ஜூலை 2005
ஒரு மாதம் கூட்டினால்: 29 ஆகஸ்ட் 2005
இம்மாதத்தின் முதல் தேதி: 1 ஆகஸ்ட் 2005
இதிலிருந்து ஒரு நாள் கழித்தால்: 31 ஜூலை 2005

ஆக, ஜூலை மாதத்தின் கடைசி நாள் 31.

ஆஹா, ப்ரமாதம் ப்ரமாதம் என்று தன்னைத் தானே புகழ்ந்துகொண்டு அந்தந்த கிழமைகளில் சரியாக வருமாறு காலண்டரை உருவாக்கி வீட்டிற்கும் போய்விட்டான் பணியகத்தில் இருந்து.

கடிச்சுக்கினு ஊத்திக்கறான்
-----------------------
மறுநாள் பணியகம் வந்ததும் தான் நேற்று எழுதிய நிரலை ஒரு மேற்பார்வை பார்க்க ஆரம்பித்தான். அடடே, என்ன அதிசயம்! நேற்று மிகவும் துள்ளியமாக இயங்கிய நிரல் இன்று தப்புத்தப்பாக காட்டுகிறதே தேதிகளை!

கணிப்பொறியில் தேதியைப் பார்த்தான். 31 மார்ச் 2005 என்று காண்பித்தது (வேண்டுமென்றே மாற்றி அமைத்திருந்தான் கோயிஞ்சாமி).

ஒன்றும் பிடிபடவில்லை. பணியகத்தில் இருந்த ஃப்ரிட்ஜில் இருந்து மூன்று பாட்டில் தண்ணீரை மதியத்திற்குள் காலி செய்தும் பலனில்லை. மதியம் உணவு முடிந்ததும் நெல்லைப் பழரசம் குடித்துவிட்டு வந்தும் ஒரு பலனும் இல்லை.

பிறகு மாலை தேநீர் அருந்தியவுடன் 'பொறுத்தது போதும்!' என்று வலைப்பூக்களை மேய்ந்தான். குழுக்களில் வந்த மடல்களைப் படித்துப் பார்த்தான்.

சரி, இதை விடுவதில்லை என்ற தீர்மானத்துடன் மீண்டும் நோட்பேடை எடுத்து அந்த ஸ்க்ரிப்ட்டை ஆராய்ந்தான்.

என்னதான் நடக்கிறது என்று வரிவரியாக டீ-பக் போட்டு மீண்டும் ஆராய்ந்ததில்....

ஒரு உண்மை புலப்பட்டது.

இன்றைய தேதி: 31 மார்ச் 2005
ஒரு மாதம் கூட்டினால்: 1 மே 2005
இம்மாதத்தின் முதல் தேதி: 1 மே 2005
இதிலிருந்து ஒரு நாள் கழித்தால்: 30 ஏப்ரல் 2005

ஆக, மார்ச் மாதத்தின் கடைசி நாள் 30

:-(( :-(( :-((

ஆஹா.... இதான் மேட்டர்.

மார்ச் முப்பத்தொன்றுடன் ஒரு மாதம் கூட்டினால் சாதாரணமாக 31 ஏப்ரல் என்று வரும். ஆனால் புத்திசாலி ஜாவாஸ்க்ரிப்ட், ஏப்ரல் மாதத்தில் 30 தேதி வரைதான் என்று உணர்ந்து, மிச்சமிருக்கும் ஒரு நாளையும் கூட்டி விடுகிறது. எனவே, மே மாதம் ஒன்னாம் தேதி (மேஜர் ஆனேனே!)

இந்த ப்ரச்சனை தீரவேண்டுமென்றால், "இன்றைய தேதி" என்னவாக இருந்தாலும், அதை ஒன்றாம் தேதியாக மாற்ற வேண்டும். அடுத்த மாதம் சென்றவுடன் ஒன்றாம் தேதியாக மாற்றக்கூடாது. இப்படி எழுதினால் எல்லாம் ஓக்கே.

இன்றைய தேதி: 31 மார்ச் 2005
இம்மாதத்தின் முதல் தேதி: 1 மார்ச் 2005 (மொதல்ல கட்ச்கபா)
ஒரு மாதம் கூட்டினால்: 1 ஏப்ரல் 2005 (இப்ப ஊத்திக்கபா)
இதிலிருந்து ஒரு நாள் கழித்தால்: 31 மார்ச் 2005

கோயிஞ்சாமி நிம்மதியாக நோட்பேடை மூடிவைத்தான். இந்த நாள் முழுதையும் இந்த ஜாவாஸ்க்ரிப்ட் காலண்டர் சாப்பிட்டுவிட்ட விபரீதம் இப்பொழுது கோயிஞ்சாமிக்குக் நன்றாகத் தெரிந்தது.

ஆனால் ஊத்திக்னு கடிச்சுக்கலாம், கடிச்சுக்கினும் ஊத்திக்கலாம் என்ற தத்துவம் எப்பொழுதும் எல்லா இடத்திலும் சரிவராது என்பதை கோயிஞ்சாமி உணர்ந்து கொண்டான்.

Friday, July 22, 2005

ரஜினிகாந்த் - முதல் போணி

16-06-1981 தேதியிட்ட குமுதத்தில், நடிகை சரிதா எழுதிய தொடரின் மூன்றாவது அத்தியாயத்தில் இருந்து சில பகுதிகள்

ரஜினியை நான் ·பர்ஸ்ட் சந்திச்சது ' தப்புத்தாளங்கள்' ஷ¥ட்டிங்கிலே. பெங்களூரில் அவுட்டோர் படபிடிப்பு. ஒரு பாட்டு எடுக்கிறாங்க. அவரை மத்தவங்க எல்லாம் 'விஷ்' பண்ணினாங்க. என்னை அவருக்கு அறிமுகப்படுத்தினாங்க நாள் பூர்ரா வேலை. கல்யாணம் ஆன பிறகு நான் பாடற மாதிரிப் பாட்டு. " அழகான இளமங்கை கட்டில் கொடுத்தாள்" என்று ஆரம்பிக்கும். நான் பிரெக்னன்ட்டா இருக்கிற மாதிரி காரெக்டர். அந்த காரெக்டர் அறிவு முதிர்ச்சி பெற்ற காரெக்டர் இல்லையா? டைரக்டர் ஒவ்வொரு ஷாட்டுக்கும், " மரோசரித்ரா மாதிரி பண்ணாதே! அதை மறந்துடு! யூ ஆர் நான் ஸிக்ஸ்டீன்! இப்ப இருபத்து அஞ்சு வயசு. இந்தப் பெண் காரெக்டருக்கு ஆக்சுவலா முப்பது வயசு இருக்கணும், உனக்காக அஞ்சு வயசு குறைச்சிருக்கேன், " என்று அடிக்கடி ஞாபகப் படுத்திகிட்டே இருப்பார்.

ஷ¥ட்டிங் முடிஞ்சவுடன் ஓட்டலுக்கு வந்தோம். நான் அப்போ போர்ட்டிகோவிலே உலாத்திகிட்டு இருந்தேன். காஷ¤வல் டிரெஸ்ஸிலே, ஒரு மாக்ஸி போட்டுகிட்டு இருந்தேன். ரஜினி அங்கே வந்தார். காலையிலே பார்த்ததற்கும், ஈவினிங்லே பார்த்ததற்கும் நல்ல வித்தியாசம். என்னை யாரோன்னு நினைச்சுட்டார். ' குட் ஈவினிங் ஸார்' ன்னேன். அவரும் வணக்கம்னார். என்னை அடையாளம் தெரிஞ்சுக்கலை. நான் ரொம்ப குண்டு வேற. அதுவும் ஸெவன்டீன் தான் அப்போ. படப்பிடிப்பின் போது நல்லா கெட் அப் கொடுத்து , மேக் அப் போட்டிருந்ததால், முப்பது வயது பொம்பிளை மாதிரி ஆகியிருந்தேன். என்னை யாருன்னு தெரிஞ்சுகிட்டதும் ரொம்ப ஆச்சர்யம் - 'ஐயய்யோ! உனக்குப் போயா வணக்கம் போட்டேன் ரொம்ப மரியாதையா' அப்படீன்னு கிண்டல் பண்ணார். ' ஒரு வணக்கம் வேஸ்ட் ஆயிப் போச்சே என் லை·ப்லே' ன்னார்.

தப்புத்தாளங்கள்லே அந்த பிரெக்னன்ட் எ·பெக்ட் வர்றதுக்காக துணியெல்லாம் பெரிசா வெச்சுக் கட்டி பெரிய வயிறு மாதிரி பண்ணி- எனக்கு ரொம்ப தமாஷாக இருக்கும்.
"இந்த மாதிரி காட்டினால் தான் கொஞ்சம் ஏஜ்டா தெரியும். முழு பிக்சருக்கும் இப்படியே கட்டிக்குங்க," ன்னு அங்கே இருந்தவங்க சொல்லுவாங்க. " பிக்சர் முடியறவரைக்கும் டெலிவரி ஆகாமலா இருப்பேன்" ன்னு சொல்லுவேன்.

தப்புத்தாளங்கள் இரண்டு மொழியிலே எடுத்தாங்க. கன்னடம், தமிழ். எனக்கு கன்னடத்திலே ஒரு வார்த்தை தெரியாது. சாக்கு பேக்கு தவிர ஒரு வார்த்தை தெரியாது. ரஜினிதான் அந்த யூனிட்டிலேயே நல்லா கன்னடம் பேசுவார். ரஜினியும் காமரா மேன் லோகநாதனும்தான் எனக்குச் சொல்லிக் கொடுப்பாங்க. நான் இஷ்டத்துக்குப் பேசுவேன். என்னன்னவோ டிக்ஷனரியில் இல்லாத வார்த்தை , உச்சரிப்பு எல்லாம் வரும். தப்புத் தப்பா கெட்ட வார்த்தைகள் வரும். கன்னடத்திலே ஏதாவது வார்த்தை கொஞ்சம் மிஸ்ஸானால் கெட்ட வார்த்தை ஆயிடுமாம்.

இப்போ பரவாயில்லை. கன்னடம் கொஞ்சம் பிக் அப் பண்ணியிருக்கேன். நல்லாவே பேசுவேன். இப்போ இரண்டு கன்னடப் படம் பண்றேன். ராஜ்குமாருடன் ஒண்ணு. அனந்தநாகுடன் ஒண்ணு. இரண்டிலும் நானே பேசறேன்.

பாலசந்தர் யூனிட்டிலே என்னை எல்லாரும் சிஷி சிஷின்னுதான் கூப்பிடுவாங்க. சின்னக் குழந்தைன்னு அர்த்தமாம். ரஜினியும் அப்படித்தான் கூப்பிட ஆரம்பிச்சாரு முதலிலே. அப்புறம் தான் கறுப்பி, கறுப்பின்னு கூப்பிட ஆரம்பிச்சுட்டார்.

ரஜினி அப்போவெல்லாம் ஜாஸ்தி பேசமாட்டார். அடிக்கடி தூங்குவார். சரியான தூங்குமூஞ்சின்னு நான் நினைக்கிறேன். வீணாக் கான்டிரவர்ஸி ஏன்னு அவாய்ட் பண்றதுக்குத்தான் அப்படி ரெஸ்ட் எடுத்துக்குவார் போலிருக்கு. அதல்லாம் எனக்கு என்ன தெரியும்? பழகறதுக்கு நல்ல நண்பர் அவர்.


30-07-1981 தேதியிட்ட குமுதத்தில், நடிகை சரிதா எழுதிய தொடரின் ஐந்தாவது அத்தியாயத்தில் இருந்து சில பகுதிகள்

தப்புத்தாளங்களுக்கு அப்புறம் ரஜினியை நான் அப்பப்போ மீட் பண்ணிட்டிருந்தாலும், கூடச் சேர்ந்து ஒர்க் பண்ணது 1981' லேதான்.

பாலசந்தரோட 'நெற்றிக் கண்' படத்திலே ரஜினியோடு சேர்ந்து செய்தேன். நஜினிக்கு கல்யாணம் நடக்கறதுக்கு ஒருவாரம் முன்னாடியிலிருந்து அவர் கூடத்தான் ஒர்க் பண்ணிட்டிருந்தேன். கல்யாணத்தைப் பற்றி ஒருவார்த்தை கூடச் சொல்லவேயில்லை. யாருக்கும் இன்விடேஷன் கொடுக்கலே. இன்வைட் பண்ணலை. பிப்ரவரி 26' ஆம் தேதி கல்யாணத்தை விடியல் காலையிலே திருப்பதியிலே முடிச்சுட்டு , பத்து மணிக்கு ஸ்ட்ரெயிட்டா ஏவி.எம்.க்கு ஷ¥ட்டிங்கிற்கு வந்து விட்டார். அவருக்கு கல்யாணம்னு எல்லாரும் அப்ப பேசிட்டாங்க. எனக்கு உண்மையான்னு தெரியலை. பேப்பர்லே ஏதாவது போட்டிருப்பாங்க, கேட்டால் இல்லைன்னு சொல்லுவார் என்று நினைச்சேன். பயமாயிருந்தது அவரைக் கங்கிராஜுலேட் பண்றதுக்கு.

அப்பிறம் எல்லரும் சொன்ன பிறகுதான் கங்கிராஜுலேஷன்ஸ் சொன்னேன். காட்பரீஸ் சாக்லேட் கொடுத்தார். அப்புறம் தான் நிஜமா நம்பினேன். காட்பரீஸ் எல்லாருக்கும் கொடுக்கவில்லை. " ஒன்லி ·பார் லேடீஸ்", என்றார். லட்சுமிக்கு, விஜயசாந்திக்கு, எனக்கு எல்லா லேடீஸ்களுக்கு மட்டும் கொடுத்தார். நாங்க லேடீஸ் எல்லாம் வெளியிலே உட்கார்ந்திருந்தோம். உள்ளே டைரக்டர், டெக்னீஷியன்களுக்கு எல்லாம் கொடுத்திருப்பார். சும்மாச் சொல்றார், லேடீசுக்கு மட்டும் என்று.

மகாபலிபுரத்தில் ஷ¥ட்டிங் நடந்திட்டிருந்த போது, ரஜினியும் , அவர் மனைவி லதாவும் வந்திருந்தாங்க. நான் ஒரு தெலுங்குப் படத்துக்காகப் போயிருந்தேன். ஹாலிடேக்காக அவங்க வந்திருந்தாங்க. ரஜினி, லதாவை அறிமுகம் பண்ணினார். ரொம்ப நல்லவங்க. அதிகம் பேச மாட்டாங்க. ரொம்ப ஸா·ப்ட்.

06.10.96 தேதியிட்ட ஆனந்த விகடனில், சுல்தான் மொய்தீன் ( பிரபல chef) எழுதிய கட்டுரைத் தொடரின் , எட்டாவது அத்தியாயத்தின் மறுபிரசுரம். ( நன்றி, ஆனந்த விகடன்)

பொதுவாக வி.ஐ.பிக்கள் வருகிறார்கள் என்றால் பல மணி முன்பே தொலைபேசியில் தகவல் வந்துவிடும். குறிப்பிட்ட டேபிளை ரிசர்வ் செய்துவிடுவோம். இன்னும் பல வி.ஐ.பிக்களின் உதவியாளர்கள், " ஐயாவோடு இத்தனை பேர் வருகிறார்கள், அவர்களுக்கு இன்ன இன்ன உணவுகளை ரெடி செய்து வையுங்கள்" என்று மெனுவைக் கூட முன்கூட்டியே சொல்லிவிடுவது வழக்கம்.

ரஜினி மட்டும் சொல்லாமல் கொள்ளாமல் திடீரென்றுதான் வருவார். எந்த டேபிள் காலியாக இருக்கிறதோ அதில் போய் உட்கார்ந்துவிடுவார். இன்று என்ன சாப்பிடலாம் என்பதிலும் அவ்வளவாக அலட்டிக் கொள்ள மாட்டார்.

சதை போடும் அயிட்டங்கள் மட்டும் வேண்டாம். மத்தபடி எந்த அயிட்டம் இன்னிக்கு நல்லா இருக்குன்னு நெனைக்கறீங்களோ, அதை எடுத்து வாங்க" என்று சாய்ஸைக் கூட எங்களுக்கே விட்டு விடுவார்!. ரஜினிக்கு என்ன என்ன அயிட்டங்கள் பிடிக்கும் என்பது எங்கள் அனைவருக்கும் அத்துபடி. அவருக்கு ஆட்டுத்தலைக்கறி என்றால் உயிர். அதே போல பாயா-இடியாப்பம். வெளிநாட்டு உணவு வகையில் அவரைச் சப்பு கொட்ட வைக்கும் அயிட்டம் " ஷீஸ்வான்"

இந்திய உணவு வகைகளில் குஜராத்தி, பெங்காலி, சவுத் இண்டியன் என்று மாநிலவாரியாக இருக்கிறதே அதே போல இது சீனாவின் ஒரு வகை உணவு வகை.

ரஜினி. " ஐயோ! வேணாம்பா" என்று தவிர்க்கும் அயிட்டங்கள் - ஸ்வீட் , ஐஸ்க்ரீம். ரஜினியின் மகள்கள் இருவருக்கும் ஐஸ்க்ரீம் தான் ·பேவரைட்.

சில விஐபிக்கள் சாப்பிட வந்தால், ஆர்டர் எடுக்கும் நேரத்தில் இருந்து அவர்கள் சாப்பிட்டு முடித்துக் கிளம்பும் வரை, ஒரு வெயிட்டர், அவர்கள் பக்கத்திலேயே நின்று கொண்டிருக்க வேண்டும் என்பது நட்சத்திர ஓட்டல் மரபு. ரஜினி அதை எதிர்பார்ப்பது கிடையாது.

உணவு சர்வ் செய்யப்பட்ட உடன், " நீங்க ஏன் சும்மா நிக்கறீங்க? போய் மத்தவங்களைக் கவனிங்க" என்று வெயிட்டரை அனுப்பி விடுவார். ரஜினி, ஓட்டலுக்கு வருவது பெரும்பாலும் ஒன்பது மணிக்கு மேல்தான். தன் மனைவி மற்றும் இரண்டு மகள்களுடன் தான் வருவாரே தவிர, தனியாக ஒரு நாளும் வரமாட்டார். இரவு பத்து பத்தரை மணிக்கு மேல் என்றால், அவர் மனைவி லதா மட்டும் உடன் வருவார்.

எங்கள் ஐ.டி.சியின் இன்னொரு ஓட்டலான சோழா ஷெராட்டன், ரஜினி வசிக்கும் போயஸ் கார்டனுக்குப் பக்கம். வாரத்துக்கு ஒருமுறையாவது அங்கேயும் வருவார்.

அங்கே நடந்த ஒரு நிகழ்ச்சி -

இரவு 11.45. ரெஸ்டாரண்ட்டை மூடும் நேரம். கஸ்டமர்கள் எல்லாம் சாப்பிட்டு விட்டுக் கிளம்பி விட்டார்கள். சரி, நாமும் சாப்பிட்டுக் கிளம்ப வேண்டியதுதான் என்று ஓட்டலின் ஊழியர்கள் சாப்பிட ஆரம்பித்த நேரம்.

நுழைந்தார் ரஜினி.

ஊழியர்கள் அனைவரும் பதறி அடித்துக் கொண்டு எழுந்தார்கள். " நோ நோ.. நீங்கள் முதலில் சாப்பிடுங்கள். நான் வெயிட் பண்றேன்.." என்று சொன்னது மட்டுமல்ல. பக்கத்தில் இருந்த அயிட்டங்களை எடுத்து ஜாலியாக ஏதோ பேசிய படி பரிமாற ஆரம்பித்துவிட்டார். சரிதான்.. கெஸ்ட் நமக்குப் பரிமாறுவதா என்று ஊழியர்கள் டென்ஷனாகித் தடுக்க முயல... " நோ ப்ராப்ளம், நீங்கள் எத்தனை முறை எனக்கு சர்வ் செய்திருக்கிறீர்கள்.. இன்று ஒருநாள் உங்களுக்கு சர்வ் செய்தால் தப்பென்ன ? என்று அவர்களைக் கட்டாயப்படுத்தி உட்கார வைத்து 'சர்வ்' செய்துவிட்டு பிறகுதான் அவர் சாப்பிட்டார்.

ஒரு பெரிய உண்மையைச் சொல்ல வேண்டும் என்றால், " ஓட்டல் ஊழியர்களுக்குத் தனியாக அதே சமயம் எளிமையான முறையில் தயாரிக்கப் படும் 'staff curry' -ஐ அவர் உரிமையோடு கேட்டு வாங்கிச் சாப்பிடுவார். அந்தச் சுவை அவருக்கு ரொம்பப் பிடிக்கும். எங்கள் ஓட்டலில் பணிபுரியும் வெயிட்டர்கள், சூப்பர்வைசர்கள், காப்டன்கள் மட்டும் அல்ல... சமையல் அறையில் பணி புரியும் சமையல்காரர்களைக் கூட அவர் பெயர் சொல்லிக் கூப்பிடுவார்.

ஒருமுறை சோஷா ஷெராட்டனில் இருக்கும் பெஷாவர் ரெஸ்டாரண்ட்டில் மனைவி - மகள்களோடு சாப்பிட்டுக் கொண்டிருந்தார். நான்கு டேபிள் தள்ளி மணிரத்னமும், சுகாசினியும் சாப்பிட்டுக் கொண்டிருந்தார்கள். ரஜினிக்குப் பக்கத்து டேபிளில் கல்லூரி மாணவர்கள் சிலர் அமர்ந்திருந்தனர். " ஹேப்பி பர்த்டே டு யூ" என்று சுற்றியிருந்து பாட்டு கிளம்பியது. ஒரு மாணவர் மகிழ்ச்சி பொங்க , பிறந்த நாள் கேக் வெட்ட , ரஜினி, யாரும் அழைக்காமல் தானாகவே எழுந்து சென்று ' பர்த்டே பாய்க்கு' வாழ்த்துச் சொன்னார். அது மட்டும் அல்ல, மாணவர்கள் சாப்பிட்டுக் காத்திருந்தும் டேபிளுக்கு பில் வரவில்லை. வெயிட்டரிடம் கேட்டார்கள். " உங்கள் பர்த்டே பார்ட்டிக்கான பணத்தை ஏற்கனவே ரஜினி செலுத்தி விட்டார்" என்று விளக்கினார்கள்.

Saturday, July 16, 2005

சென்னை வலைப்பதிவாளர்கள் கவனத்துக்கு.

நண்பர்களே,

ஆனந்த் ராகவின் சிறுகதைத் தொகுப்பு 'க்விங்க்' வெளியீட்டு விழா நாளை ஞாயிற்றுக்கிழமை (17.07.2005) காலை 9.30 மணிக்கு சென்னை அண்ணாசாலை புக்பாயிண்ட் அரங்கில் (அண்ணாசாலை காவல் நிலையம் அருகில்) நடைபெறுகிறது.

மாலன் நூலை வெளியிட, இரா. முருகன் முதல் பிரதி பெற, திருப்பூர் கிருஷ்ணன் சிறப்புரை ஆற்றுகிறார்.

கிழக்கு பதிப்பகம் வெளியிட்டுள்ள இந்நூல்தான் ஆனந்த் ராகவின் முதல் சிறுகதைத் தொகுப்பு.

சென்னையில் உள்ள நண்பர்கள் அனைவரையும் விழாவுக்கு அன்புடன் அழைக்கிறோம்.

Thursday, July 14, 2005

'இடை' நவீனத்துவம்